Категория: Հայերեն էջեր

ՆԱՄԱԿ ՊԱՐՈՆ ՊԵՐ ԳԱՐՏՈՆԻՆ

Այս նամակը հրապարակվել է 2004 թ. Աթենքի  «Հայաստան»  թերթում (հունիսի 10,  թիվ 32) և ուղարկվել Շվեդիա՝ հասցեատիրոջը:  Նամակն այժմ էլ  արդիական է:


 
Հեռուստատեսության և մամուլի միջոցով տեղեկացա Ձեր մի հարցազրույցին, որտեղ անդրադարձել եք նաև Լեռնային Ղարաբաղի խնդրին:

Դուք ասում  եք.

1.     Աշխարհում հիմնական միտումն այնպիսին է,  որ անկախ պետությունների թիվը չավելանա:

2.     Լեռնային Ղարաբաղը պետք է կախված չլինի Բաքվից և չպետք է կառավարվի նրա կողմից:

3.  Ալանդյան կղզիներում բնակչության 100%-ը շվեդ է, իսկ տարածքը պատկանում է Ֆինլանդիային: Այդ իրավիճակն այսօր ընկալվում է բոլորի կողմից:

  Եթե ես սխալվեմ արտաբերելով  Ձեր ասածները, խնդրում եմ դա վերագրել մամուլի և հեռուստատեսության մատուցմանը:

  Ուզում եմ Ձեր ուշադրությունը հրավիրել հետևյալին.

1.Վերջին տասնչորս տարիների ընթացքում մեծ և փոքր կայսրությունների քայքայման հետևանքով առաջացան, եթե չեմ սխալվում, 19պետություն, որոնց անկախությունը ճանաչել է միջազգային հանրությունը:

  Այդ երկրները պարտական են հենց Ղարաբաղին, որովհետև այնտեղ սկզբնավորվեց այն  պայքարը,  որն այնուհետև ընդգրկեց Արևելյան, Հարավ-արևելյան Եվրոպայի և Կենտրոնական Ասիայի երկրները:

 Ղարաբաղում հասունացրած պտուղները քաղեցին ուրիշները: Մինչդեռ Լեռնային Ղարաբաղի ժողովուրդն էլ իրավունք ունի լինելու ազատ ու անկախ այնպես, ինչպես սլովակը, էստոնացին կամ սլովենը: Ես Ձեզ հավատացնում եմ, հարգելի պարոն Գարտոն, որ Լեռնային Ղարաբաղի ժողովուրդը իր ստեղծած հազարամյակների մշակույթով և ազգային-ազատագրական պայքարի դարավոր ավանդույթներով՝ արժանի է անկախության:

2.Եթե չի ճանաչվելու Լեռնային Ղարաբաղի անկախությունը և չի կառավարվելու «Ադրբեջանի» կողմից (դա հրաշալի է), այդ դեպքում ո՞րն է երրորդ ուղին:

3.Դուք բերում եք Ալանդյան կղզիների օրինակը, իբրև տարբեր ազգերի խաղաղ գոյակցության նմուշ: Դա խոսում է ֆինների և շվեդների կանոնավոր և զարգացած լինելու մասին: Իսկ ի՞նչ եք կարծում, պարոն Գարտոն, ի՞նչ կանեին Ալանդյան կղզիների շվեդները, եթե ֆինները ոչնչացնեին նրանց մշակութային արժեքները, եթե դպրոցներում արգելեին շվեդերեն լեզվի և

շվեդների պատմության ուսումնասիրությունը, եթե երկրորդ համաշխարհային պատերազմի ժամանակ ռազմաճակատ ուղարկեին Ձեր նշած 100%-ից 30%-ին, եթե ֆինները շվեդներին դնեին այնպիսի պայմանների մեջ, որ շվեդները հեռանային իրենց հայրենիքից: Հասկանալի է, թե շվեդներն ինչ կանեին. Նրանք կանեին այն, ինչ արեցին Լեռնային Ղարաբաղի բնակիչները, որոնք բախտ չունեցան գտնվել Ֆինլանդիայի կազմում:

  Վերջացնելով նամակս, ուզում եմ ասել հետևյալը: Երբ խոսք է գնում Եվրոպայի նորանկախ որոշ պետությունների մասին, դիվանագետները խոսում են ցեղային մաքրումների և հաշվեհարդարների մասին:

   Զարմանալի է, որ այդքան խորաթափանց մարդիկ չեն նկատում, որ Ստալինի նվիրատվությամբ և խորհրդա-թուրքական անարդարացի պայմանագրերով «Ադրբեջանին» անցած հայկական տարածքներում՝ Նախիջևանում և Ղարաբաղում տեղի  ունեցած խաղաղ ցեղասպանության հետևանքով Նախիջևանում և Դաշտային Ղարաբաղում հայ չի մնացել: Կարդացեք Վիկտոր Հյուգոյին մեկ անգամ էլ և Դուք կիմանաք, թե ովքեր են անցել այդտեղով...

 Լեռնային Ղարաբաղի ժողովուրդը չի ուզում արժանանալ այդ ճակատագրին և արյան գնով ձեռք է բերել իր գոյատևելու իրավունքը:

   Բոլոր ժողովուրդների մեջ խաղաղություն և բարեկամություն կհաստատվի միայն այն ժամանակ, երբ կվերանա մի ժողովրդի կախվածությունը մեկ ուրիշ ժողովրդից:

                                     

Ս.ՍԱՅԱՍ


Обсудить у себя 0
Комментарии (0)
Чтобы комментировать надо зарегистрироваться или если вы уже регистрировались войти в свой аккаунт.

Войти через социальные сети:

kerkyra
kerkyra
сейчас на сайте
Читателей: 3 Опыт: 0 Карма: 1
Теги
asala hайк наhапет γενοκτονία γενοκτονία αρμενίων ιατρικά μαντελσταμ ναγκόρνο καραμπάχ «νέμεσις»... οι ελεύθερες ρίζες ουσίες τα αντιοξειδωτικά φυτικές ίνες абхазия осетия адонц айк нахапет ани армянская энциклопедия армянские мстители арцах батыев вандализм церковь великая армения венизелос галерея подонков геноцид геноцид армян в азербайджане гостеприимство армян детская кровать ереван законопроект о криминализации отрицания геноцида западная армения изобретения армян «карабахский вопрос» каро пайлан левон мелик-шахназарян лжеучёный михаил мейер макрон мовсес хоренаци музей геноцида наим бей национально-культурный геноцид ногалес операция «немезис» памятники армянской архитектуры пандухт первая христианская страна посол «азербайджана» пушкин рассказ русского офицера русский офицер светлана шмелева советский генерал сумгаит тацит уничтожение армянских рукописей фридман холокост холокост евреев яникян «ազերի» բաթըև հայկ նահապետ հերյուրանքներ պեր գարտոն տիգրան բ մեծ ցեղասպանություն
все 2 Мои друзья